Elbasani nuk po kalon një moment të mirë në këtë sezon në Superiore. Si për të shtuar akomë më shumë “hallet” ka menduar Ardit Hila.
Ky i fundit sipas shtypit të shkruar bëhet me dije se është pezulluar pa fat nga ana e klubit verdheblu. Kjo pasi lojtari raportohet se ka shkelur rregulloren. Këtu nuk bëhet fjalë për sjelljen e tij në fushën e blertë apo brenda skuadrës, por jashtë saj.
Ende nuk dihet saktësisht se për çfarë shkelje bëhet fjalë, ndërsa është pezulluar pa afat dhe kjo ishte arsyeja që mungoi në protokollin e sfidës ndaj Vllaznisë në Shkodër, ku Elbasani u mposht 2-1. Me shumë gjasa futbollisti nuk do të jetë pjesë e skuadrës as për duelet me Partizanin dhe Skëndërbeun që do të luhen në këtë muaj, teksa me interes pritet të mësohet se çfarë do të ndodhë mes palëve në merkaton e janarit.
Kujtojmë se Hila është një lojtar kryesor te Elbasani, ku ka luajtur në 12 ndeshje në këtë sezon, madje ka shënuar edhe 2 gola për verdheblutë. Mesfushori është pjesë e skuadrës që prej janarit të vitit të kaluar, kur iu bashkua verdhebluve që në Kategorinë e Parë.
Lexo gjithashtu
