Derbi Tirana – Partizani (0-0) ka prodhuar polemika të shumta pikërisht prej golit të anuluar në favor të bardhebluve, por edhe prej penalltisë së dhënë në dëm të të kuqve. Pas disa javëve u rikthye emisioni “Skaner” i drejtuar nga Gerti Çarçani, ku kishte në fokus derbin e kryeqytetit.
Përveç golit të anuluar, moviola u bë edhe për 11-metërshin e dhënë në favor të Tiranës. Të ftuar në panel ishin Pano Xhixho, Sulejman Starova, Orges Shehi, Ylli Aga dhe Bujar Pregja. Të pestë dhanë verdiktin e tyre, ndërsa mendimin ndryshe e kishte vetëm Shehi i cili e vlerësoi prekjen me dorë të Bytyçit si penallti.
VERDIKTET E PANELISTËVE:
Pano Xhixho: Për mua nuk është penallti, dora në pozicion natyral.
Sulejman Starova: Nuk është penallti.
Orges Shehi: Penallti!
Ylli Aga: Unë shoh futboll anglez dhe këto raste nuk vlerësohen fare për t’u ndalur. Nuk është penallti, por goli i anuluar për offside nuk ishte pozicion jashtë loje.
Bujar Pregja: Nuk mendoj se është penallti. Qëllimi i mbrojtësit nuk është aspak për të prekur topin me dorë dhe dora është në pozicion natyral. Nuk rrit as vëllimin e trupit.
Lexo gjithashtu
