Teuta do të përballet me Vorën, të dielën në orën 13:30, në një sfidë e cila është e vlefshme për javën e 21-të të Abissnet Superiore. Dueli i cili pritet të jetë mjaft i “luftuar” nga të dyja skuadrat do të luhet në stadiumin “Niko Dovana”, në Durrës.
Pikërisht për ndeshjen të cilin i pret, kampi i Vorës ka bërë publike edhe çmimet e biletave për të gjithë tifozët të cilët duan të përjetojnë emocionin e ndeshjes nga afër por sigurisht të mbështesin edhe ekipin e tyre.
Kështu në tribunë “C” është bileta më e lirë, e cila kushton 300 lekë. Ndërsa në tribunë e miqve një biletë ka çmimin 500 lekë e po 500 lekë kushton edhe në tribunën përballë.
Sa i takon 2 tribunave A dhe B, tifozët mund të blejnë një biletë për 1000 lekë. Bileta më e kushtueshme është ajo e tribunës “VIP”, e cila ka vlerën e 2000 lekëve.
Lexo gjithashtu
