Vora arriti të mposhtë Tiranën me shifrat 3-1 në javën e dytë të Superiores. Në përfundimin e takimit, trajneri i Tiranës Vangjel Mile doli në prononcim për mediat.
“Normalisht humbja është humbje, duhet të kishim bërë më mirë dhe të kishim shënuar një gol në pjesën e parë. Në momentin që nuk shënon, u shfrytëzua mirë nga kundërshtari. Më e keqja ishte kur pësuam një gol të paorientuar në 30 sekondat e para të pjesës së dytë. Ndeshjen e fitoi një ekip që vrapoi shumë, ne jemi ekip i ri dhe do të konsolidohemi.
Kemi lojtarë me cilësi në ekip dhe do të rregullohemi nga java në javë. Nuk na shërbejnë këto rezultate, por ky është futbolli. Nuk mund të justifikohem të them që nuk kam mbrojtës sepse ajo dukej. E përgatitëm ndeshjen me këta lojtarë dhe të jepnim maksimumin. Në momentet tona më të këqija i shfrytëzoi Vora duke shënuar.
Alternativat janë në infermieri, si Meta dhe Dembele që ndeshjen e ardhshme pritet të rikthehen. Do na shërbejë ky dy javorsh për rikthimin e lojtarëve. Në rast se do kemi një blerje në momentin e fundit më cilësorë se këta që kemi, do të ishte e pranueshme. Mesazhi ishte vendosmëria që tregoi ekipi në ato minuta, gjë që nuk e bënë në mesin e pjesës së dytë”, u shpreh Mile.
Lexo gjithashtu
