Çështja Dinamo – Mehmeti dhe pezullimi i këtij të fundit nga klubi ishte lajmi befasues i ditës së djeshme. Thumbimet e trajnerit kundrejt drejtuesve për mënyrën e menaxhimit të skuadrës dhe mosarritjen e plotësimit të grupit dërguan deri në vendimin radikal të pezullimit të tij nga posti aktual.
Dritan Mehmeti që para se të startonte kampionati e deri në këto 2 javë që drejtoi, gjithnjë ka kërkuar hapur drejtuesve që të afrojnë 2 qendërmbrojtës pasi në skuadër është vetëm 1 i tillë deri tani. Ndaj Egnatias e Bylis luajtën Bruno Dita e Muzek të cilët janë mesfushor defansivë në pozitën natyrale.
Siç duket, klubi më në fund ka ‘dëgjuar’ Mehmetin teksa ka arritur akordin me Agron Rufatin. Qendërmbrojtësi 25-vjeçar i lindur në Kroaci, por me origjinë iliridase, pritet t’i bashkohet Dinamos si një transferim i orëve të fundit.
Rushati është prodhim i akademisë së Dinamo Zagreb, ndërsa në futbollin profesionist ka luajtur me Lokomotiva Zagreb, Istra, Zorya Luhansk, Clince dhe së fundmi Brera Strumica në Maqedoni. Ai do të jetë një ‘xhol’ për trajnerin e ri teksa është i aftë që të bëjë të gjitha pozicionet e repartit defansiv.
Lexo gjithashtu
