Superiorja ditën e sotme do të luajë 2 ndeshje mjaft spektakolare dhe që janë shumë të rëndësishme për objektivat e ekipeve. 4 skuadra do të zbresin në fushë dhe do të kërkojmë fitoren për të mbyllur siç duhet këtë vit kalendarik.
Në orën 13:30 e gjithë vëmendja do të jetë në Laç, aty ku Laçi do të presë Tiranën dhe do të bëjnë mes tyre llogaritë e javës së 19-të të Superiores. në fakt ekipevet vetëm 1 pikë i ndan në tabelën e klasifikimit, me kurbinasit që ndodhen në “Play-Out” dhe dueli me bardheblutë është një sfidë direkte për mbijetesën.
Ndërkohë në orën 16:30 në “Elbasan Arena” do të sfidohen mes tyre Dinamo dhe Egnatia. një sfidë direkte për kreun e klasifikimit mes dy ekipve që vetëm 1 pikë i ndan në renditje. Dinamo aktualisht ndodhet në vendin e 2-të me 31 pikë, ndërsa rrogozhinasit në vendin e 4-të me 30 pikë. Si ‘djemtë’ e Ilir Dajës ashtu edhe ekipi i Edlir Tetovës synojnë fitoren për ta mbyllur këtë vit siç duhet dhe për të qenë lider të Superiores.
Lexo gjithashtu
