EGNATIA-BYLIS 2-1
Është mbyllur takimi i luajtur në Rrogozhinë. Egnatia mbron kreun e tabelës falë fiotres 2-1 ndaj Bylisit.
Rrogozhinasit dominuan pjesën e parë edhe pse nuk gjetën dot golin. Mahmuti ishte i vetmi rrezik i të kuqve për jeshilzinjtë. Në pjesën e dytë, vendasit hynë siç e lanë dhe rastet e shumta u shpërblyen më në fund.
Lushkja pas traut që e pengoi në pjesën e parë dhe një parable të shkuar dëm, arriti të hapi siparin. Më pas Ndreca disa minuta më pas prej një neglizhnece të Ilieskit, blerjes më të re të Bylisit, shënoi të dytin me kokë për Egnatian.
Një hutim i Dajsinanit, solli shpresë me golin e nigerianit Malomo 10 minuta para përfundimit. Por, Egnatia ishte ekipi që sërish shtynte dhe për pak sa nuk gjeti golin e tretë me Guindoun, sulmuesin e ri të Egnatias. Në fushë debutoi dhe Ousmane Kane për Bylisin.
3 pikë në xhep për kampionët në fuqi dhe djemtë e Edlir Tetovës “marshojnë” drejt Final Four dhe ndoshta titullit sërish në fund të edicionit.
Superiore: Java e 23-të
Stadiumi: "Arena Egnatia"
Arbitër: Andi Koçi
Formacionet zyrtare:
Egnatia: Dajsinani, Dylis, Aleksi, Bakajoko, Lushkja, Ndreca, Zejnullai, Xhemajli, Ujka, Fangaj, Kasa, Trajneri: Edlir Tetova
Bylis: Hasanbelli, Bruno, Mahmuti, Kamara, Malomo, Sulovari, Berko, A. Marku, Peralta, Përgjoni, Ilieski, Trajneri: Nevil Dede
LIVE:
90+4'- Mbyllet takimi. Egnatia ngel lider pas fitores 2-1 ndaj Bylisit, edhe pse ballshiotët dhanë iluzionin e kthimit të sfidës drejt një barazimi.
88'-Guindou debuton sot me Egnatian. hasanbelli i mohon golin nga shumë pranë sulmuesit jeshilzi.
Rasti i debutuesit të Egnatias
82'- Dajsinani gabon në pasim, Malomo rrëmben topin dhe shënon me portën e boshatisur.
Goli i Bylisit
75'- Nga goditje standarde, Ndreca mposht Ilieskin e Bylisit dhe me kokë shënon të dytin për Egnatian.
Goli i dytë i Egnatias
66'- Senegalezi i ardhur me bujë dje tek ballshiotët, debuton sot ndaj Egnatias.
56'- Regi Lushkja pas një pasimi brenda në zonë arrijë të godasë e ta çoj topin në rrjetë, në një kënd të pakapshëm. Pas rasteve të pjesës së parë, ish-i i Tiranës tregohet i saktë.
Goli i Egnatias
45'- Nis pjesa e dytë. Egnatia sulmon që në fillim me Ujkën.
45+2'- Mbyllet gjithçka në Rrogozhinë sa i takon pjesës së parë. Shifra të bardha mes dy ekipeve.
42'- Regi Lushkja ndalet nga trau i portës. Lojtari kavajas flirton me golin.
41'- Shënoi me penallti ndaj Vllaznisë. Pas aksionit të nisur nga faulli i Ilieskit, Lushkja gjendet me portierin i vetëm dhe tenton parabël. Fati nuk është me futbollistin kavajas.
Rasti i Lushkjas
30'-Peralta kërkon karton ndaj Zejnullait pas një faulli.
25'- Berko ndëshkohet për protesta.
24'- Kundërsulm i shpejtë i Bylisit me Malomon që ul topin e gjatë të Camara. Por Egnatia thyen gjithçka.
Kundërsulmi i Bylisit
19'- Godet Zejnullai. Pranë golit njëri prej dy autorëve ndaj shkodranëve javën e kaluar.
14'- Hasanbelli kontrollon topin. Maloma kërkon të niset në kundërsulm, por Egnatia vendoset shumë shpejt në prapavijë.
13'- Kasa shumë pranë golit, e ndal traversa.
Rasti i Kasës
3'- Vjen goditja e parë nga Bylisi.
3'- Berko duelon me Dylis. I huaj fiton faull, i cili konfirmon vendin e titullarit pas largimit të Veselit këtë merkato.
1'- Shkelmohet topi i parë në Rrogozhinë. Egnatia synim maksimal fitoren ndaj Bylisit.
Lexo gjithashtu
