Egnatia 2 – 2 Vllaznia (Yahaya 62', Jaime 86' / Kallaku 43', Balaj 75')
Egnatia dhe Vllaznia kanë barazuar në ndeshjen e vlefshme për javën e 10-të të Superiores. Supersfida e zhvilluar në stadiumin e Rrogozhinës, përfundoi me shifrat 2-2.
Golin e parë e shënuan miqtë, me anë të Sherif Kallakut në minutën e 44-t. Ndërkohë që në të dytën, më saktë në minutën e 62-të, skuadra vendase barazoi me Yahaya. Në minutën e 74-t, Egnatia mbeti me 10 lojtarë, për shkak se Fangaj mori kartonin e dytë të verdhë, duke shkaktuar edhe penallti.
Pikërisht nga 11-metërshi, kapiteni i Vllaznisë, Bekim Balaj nuk gaboi. Edhe pse me 10 lojtarë, kampionët nuk u dorëzuan. Egnatia barazoi me Jaime në minutën e 86-të.
Pas këtij barazimi, Vllaznia shkon në krye të Superiores me 20 pikë, po aq sa Elbasani i vendit të dytë. Ndërkohë që me 1 pikë më pak, Egnatia mban vendin e 3-të në renditje.
Kategoria Superiore: Java 10
Stadiumi: “Arena Egnatia”
Arbitër: Juxhin Xhaja
FORMACIONET ZYRTARE:
EGNATIA: Dajsinani, Aleksi, Albanese, Ndreca, Yahaya, Xhemajli, Kryeziu, Sota, Fangaj, Gruda, Ruçi. Trajner: Edlir Tetova.
VLLAZNIA: Pohls, Gjini, Gurishta, Krymi, Kastrati, Kallaku, Murataj, Bajrami, Mala, Yago, Balaj. Trajner: Edi Martini.
LIVE:
90+5' Mbyllet 2-2 ndeshja.
86' GOL EGNATIA! Shënon Jaime.
75' GOL VLLAZNIA! Shënon Balaj me penallti. Egnatia me një lojtar më pak, Xhaja i jep Fangajt kartonin e dytë të verdhë.
62' GOL EGNATIA! Shënon Yahaya.
45+2' Mbyllet 0-1 pjesa e parë.
43' GOL VLLAZNIA! Shënon Kallaku.
33' Juxhin Xhaja ndëshkon me karton të verdhë trajnerin Tetova, tekniku kërcënohet për të kuqin.
31' Egnatia pretendon për penallti, Xhaja thotë "JO".
23' Vllaznia i afrohet golit me Kastratin.
14' Rast i mirë për Grudën, shkodrani gabon.
1’ Shkelmohet topi i parë në Rrogozhinë, nis supersfida mes Egnatias dhe Vllaznisë.
Lexo gjithashtu
