Superiorja ditën e djeshme ka mbyllur ndeshjet e javës së 13-të të kampionati dhe javë pas jave dalin në pah statistika të veçanta dhe që zbulojnë futbollistët që po “lënë gjurmë” në këtë sezon deri më tani.
Kështu nëse iu hedhim një sy paraqitjeve të portierëve në këtë fazë të kampionatit, gardiani i Teutës mban “stekën lart”. Gentian Selmani është portieri që ka numrin më të madh të ndeshjeve pa pësuar gol në kampionat.
Deri më tani e ka mbajtur portën të “kyçur” në 8 përballje, duke bërë që të jetë një pikë e “fortë” për durrsakët dhe ekipin e Enkeleid Dobit.
Pas Selmanit renditen portieri i Egnatias, Dinamos dhe Elbasanit. Saktësisht Mario Dajsinani, Aldo Teqja dhe Martin Janaçek deri më tani kanë mbajtur portën të paprekur në 7 ndeshje.
Jo më kot këto ekipe kanë pësuar edhe më pak gola deri më tani. Teqja me Dinamon kanë pësur vetëm 6 gola, ndërsa Janaçek me Elbasanin kanë nxjerrë topin nga rrjeta vetëm 7 herë dhe nga 8 gola kanë pësuar Dajsinani i Egnatias dhe Selmani i Teutës.
Lexo gjithashtu
