Bylis u mposht nga Apolonia me rezultatin e thellë 4-1 në fundjavë duke u larguar më shumë nga Elbasani i vendit të parë.
Ballshiotët kanë një rënie të dukshme në javët e fundit duke humbur kryesimin dhe tani duken gjithnjë e më larg titullit kampion. Megjithatë, ngjitja në Superiore është siguruar matematikisht.
Me rikthimin në elitë, nisën edhe largimet e para nga skuadra dhe çuditërisht, Jurgen Goxha ishte një prej tyre. Lider absolut këtë sezon, madje duke shpëtuar një gol të sigurtë në ‘finalen’ me Elbasanin në Ballsh, ai u largua nga ekipi në mënyrë surprizë.
Me një postim në rrjete sociale, ai thumboi klubin pas humbjes duke shkruar, “Filmi nuk është i njëjtë pa regjizorin”, si për të thënë se Bylisi nuk është më i njëjti pa të në fushë.
Lexo gjithashtu
