Partizani B ditën e sotme po përballet me Orikun, takim i vlefshëm për grupin B në Kategorinë e Dytë. Edhe në këtë sfidë kjo skuadër po drejtohet nga Oltijon Kërnaja.
Timonieri i ekipit të parë duket se nuk i ndahet dot “zemra” nga skuadra B e të kuqve. Por nuk është i vetmi që nga ekipi A ka vajtur tek B.
Bashkë me të edhe disa nga futbollistët e “Demave”. Xhuliano Skuka dhe Saliou Sembene kanë nisur këtë përballje nga minuta e parë, duke surprizuar jo pak. Madje në stol ndodhet edhe Victor Da Silva, i cili pret momentin e tij.
Kërnaja ka vendosur t’u japë minuta me ekipin B, pasi siç dihet prej disa javësh vazhdojnë rikuperimet nga dëmtimet dhe timonieri i kryeqytetasve kërkon që futbollistët të kapin sa më shpejt formën e tyre më të mirë për t’i përdorur më pas tek skuadra e parë.
Lexo gjithashtu
