Partizani do të përballet nesër me Flamurtarin, në orën 16:30, në “Arenën e Demave”. Sfidë kjo e cila është e vlefshme për javën e 16-të të Superiores. Ndërsa pas mbylljes së seancave stërvitore dhe kur gjithçka është gati, trajneri i ekipit, Oltijon Kërnaja ka folur për mediat.
Si e prisni ndeshjen ndaj Flamurtarit?
Flamurtari është një ekip për tu vlerësuar. Sigurisht ka bërë mirë në këto javët e fundit, panvarësisht ndeshjes së fundit me Dinamo City. Eshtë një ndeshje e vështirë, por besoj që çunat të gjithë në fushë do të japin maksimumin dhe do ta përballojmë me sukses.
Si është gjendja e skuadrës?
Lojtarë të dëmtuar siç dihet tashmë përveç Prekës që vazhdon të jetë dëmtuar i është shtuar edhe Arafat Dumbia i cili u dëmtua në ndeshjen me Tiranën. Për shkak kartonash gjithashtu do të na mungoj edhe Ismaili.
Lexo gjithashtu
