Egnatia
Egnatia mori një fitore fantastike në Islandë, me rrogozhinasit që mposhtën 1-0 ekipin e Vikingur Reykjavik. Golin vendimtar të kësaj përballjeje arriti ta shënonte Doukouo në minutën e 33-të të sfidës, duke i dhënë fitoren kështu kampionëve të Superiores.
Ekipi i Edlir Tetovës do të ketë më të lehtë në duelin e kthimit, pasi një barazim do të kualifikonte rrogozhinasit në fazën tjetër. Tashmë Egnatia është vetëm 90-të minuta larg historisë në kompeticionet europiane.
Kujtojmë se sfida e kthimit me islandezët do të luhet në “Loro Boriçi” më 1 gusht. Takim ky që do të startojë në orën 20:00, ku rrogozhinasit do të kërkojnë një tjetër rezultat pozitiv për të siguruar biletën për fazën e 3-të të Conference League.
Poll
Lexo gjithashtu
