Partizani ditën e djeshme mësoi edhe kundërshtarin e finales së 26 majit në "Air Albania", ora 19:00. Demat do të bëjnë llogaritë me Egnatian për titullin kampion të këtij sezonit.
Të kuqtë prej ditësh kanë nisur përgatitjet për këtë sfidë, teksa Orges Shehit po merret me çdo detaj të mundshëm. Kryeqytetasit janë më të morivuar se kurrë për të fituar titullin e dytë rresht që do të ishte i 18-ti në historinë e klubit.
“Një ëndërr e së shkuarës, një ëndërr që vazhdon…” ka shkruar klubi i kuq, i cili ndër të tjera ka bërë të ditur se ku mund të blihen biletat për finalen. Çdo tifoz qëë kërkon të shikojë nga sshkallët e stadiumit finalen e madhe do të mund të gjejë biletat online si dhe në pikat e shitjes pranë “Air Albania”-s dhe “Selman Stërmasit”.
Kujtojmë se të gjithë tifozët e Partizanin do të vendosen në tribunën N. Tribuna pas porte, e cila pritet të "gumëzhijë" nga Ultras Guerrils.
Lexo gjithashtu
