Tirana duket se më në fund ka gjetur trajnerin e ri. Sipas “Supersport" bëhet me dije se bardheblutë kanë arritur marrëveshjen me Bledi Shkëmbin.
Palët janë dakortësuar mes tyre për një kontratë 2-vjeçare dhe trajneri i Kombëtares U-17 pritet të marrë drejtimin e kryeqytetasve. Kujtojmë se ish-lojtari i Skënderbeut vetëm pak javë më parë mori drejtimin e ekipit të 17-të vjeçarëve dhe duket se oferta e Tiranës e ka bindur për të ndryshuar ambient.
44-vjeçari si trajner ka drejtuar Teutën dhe Dinamon në kampionatin shqiptar, si dhe Ballkanin e Lirinë në Superligën e Kosovës. Vlen të theksohet se bardheblutë marrin pjesë në Conference League dhe pritet që trajneri të zyrtarizohet shumë shpejt për të nisur më pas edhe punën për kompeticionet europiane.
Lexo gjithashtu
