Vllaznia e vajzave mposhti me rezultatin e thellë 7-0 Partizanin në gjysmëfinalen e kthimit të Final Four, të luajtur në ‘Reshit Rusi’.
Asnjë problem dhe asnjë surprizë për shkodranet që bëjnë detyrën duke u kualifikuar në finalen e madhe. Sfida e parë u mbyll me fitoren e pastër 0-3 në kryeqytet ç’ka bën që rezultati i përgjithshëm të jetë 10-0.
Pjesa e parë u mbyll me 2 gola të Berishës e Borçit, ndërsa e dyta me ritëm të dyfishtë teksa tripleta e Ramadanit dhe golat e Shalës e Lufos e kthyen në festival golash.
Finalja e madhe që do të përcaktojë edhe kampionen e këtij edicioni do të luhet më 13 maj në “Shtëpinë e Futbollit”. Ekipi kampion i “Abissnet Superiore” për vajza do të përfaqësojë Shqipërinë në raundin para-eliminator në UEFA Champions League.
Lexo gjithashtu
