FSHF për tetorin rozë
Federata Shqiptare e Futbollit do të organizojë të martën tre ndeshje në “Shtëpinë e Futbollit” në kuadër të muajit të senzibilizimit për kancerin e gjirit.
Pjesëmarrëse në këtë aktivitet do të jenë tre skuadra: ekipi i vajzave të administratës së FSHF-së, ekipi i UN Women dhe një ekip gazetaresh të njohura nga fusha e sportit dhe jo vetëm.
Ndeshjet do të luhen me sistem triangolar, 6+1 dhe në përfundim të tyre do të jepen mesazhe sensibilizimi për luftën ndaj kancerit të gjirit nga të ftuarat dhe pjesëmarrëset.
Ky event vjen në vazhdimësi të vëmendjes që Federata i ka kushtuar përgjatë gjithë muajit rëndësisë së ndërgjegjësimit për kancerin e gjirit dhe synon të japë mesazhin se futbolli mund të shërbejë si frymëzim për të luftuar së bashku.
Poll
Lexo gjithashtu
