
Kupa e Shqipërisë për femra rikthehet në aksion dhe nis nga faza e grupeve. Një nga takimet më të bukura është ai midis Gramshit dhe Partizanit.
Femrat e kuqe “udhëtojnë” për në transfertën e Gramshit. Kryeqytetaset vetëm se e kanë në letër transfertë pasi sfida mes dy klubeve të Superiores zhvillohet në Tiranë. Gramshiotet i zhvillojnë stërvitjet në kryeqytet dhe duke qenë se është një ndeshje kupe kanë vendosur ta zhvillojnë takimin në Arbanë, tek kompleksi sportiv i Dinamos.
“Demat” vajza do të përpiqen të mposhtin me cilësitë që kanë Gramshin, i cili është një ekip me goxha investime në futbollin e femrave. Madje, si drejtore të klubit KFF Gramshi ka marrë ish-menaxheren e Tiranës. Sfida e bukur e grupit A luhet në datën 28 në orën 13:00.