Ferdinand Jaku është nga njerëzit e sportit në Shqipëri, që pak janë shfaqur dhe shumë kanë bërë. Sot feston datëlindjen e 56, teksa numëron mjaft arritje në këtë moshë.
Pikërisht më 1 gusht të vitit 1968 lindi Ferdinand Jaku, që gëzon profesionin e infermierit. Pasioni për sportin e shoqëroi shkodranin gjatë gjithë jetës së tij, ndërsa shkroi historinë konkretisht në shtatorin e vitit 2005.
Asokohe themeloi Juban Danjan, që rezulton dhe klubi i parë shqiptar në futbollin e femrave. Sigurisht që sukseset me të nuk mund të mungonin. Juban Danja numëron 2 Kupa të Shqipërisë përgjatë historisë së saj.
Ndoshta jo të gjithë e njohin presidentin që i dha jetë futbollit të femrave në Shkodër. Kjo është një arsye përse duhet kujtuar, të paktën në ditë të veçanta si e sotmja.
Lexo gjithashtu
