Tirana vijon të jetë kryefjalë e kronikës, teksa së fundmi është raportuar se shtatë persona kanë marrë peng një 35-vjeccar duke bashkëpunuar me njëri-tjetrin. Ngjarja e rëndë është bërë me dije edhe nga Policia e Shtetit, ku ka bërë me dije se Gjykatat kanë dhënë masat e sigurisë për të gjithë bashkëpunëtorët.
35-vjeçarit i është hequr liria në mënyrë të padrejtë, ku prej shtatë personave që dyshohen se kanë konsumuar veprën penale, bien në sy Hektor Xheçuka dhe Naim Qarri. Xheçuka është një emër I njohur për drejtësinë shqiptare pasi ka qenë i dënuar më parë për vrasje me dashje të mbetur në tentativë.
Gjithashtu emri i tij doli edhe nga përgjimet e SkyECC. Ervis Martinaj i kishte ofruar plot 500 mijë euro Albert Zajës që t’i shpenzonte si të donte me Hektor Xheçukën për të eleminuar Durim dhe Valter Bamin. Planet prishen pasi Hektor Xheçuka përfshihet në një plagosje dhe qëllon me armë zjarri Enrik Metrën në Burrel, më 4 korrik të vitit 2020.
Edhe Naim Qarri është një emër i njohur për drejtësinë shqiptare. Ish presidenti i klubit të Kamzës u arrestua në 2019-tën, pasi goditi gjyqtarin Eldorian Hamiti. Në atë periudhë, skuadra e Kamzës militonte në elitë, por Federata Shqiptare e Futbollit mori vendimin drastik duke e zbritur një kategori më poshtë. Së fundmi, Qarri dyshohet se ka qenë pjesë e grupit që kanë marrë peng 35-vjeçarin duke e kanosur për t’i marrë para.
Tashmë janë organet e drejtësisë ato që do të thonë fjalën e tyre, teksa sot janë dhënë masat e sigurisë për të shtatë të dyshuarit.
Lexo gjithashtu
