UEFA dhe Fondacioni i UEFA-s për fëmijët kanë vendosur të dhurojnë një shumë prej 200,000 € për të prekurit nga tërmeti në Turqi dhe Siri. UEFA dhuron një shumë prej 150,000 € për Federatën Turke të Futbollit (TFF), ndërsa Fondacioni ka dhuruar 50,000 € për Organizatën Bonyan dhe Tiafi (Ekipi Ndërkombëtar i Asistencës për Integrim), dy organizata joqeveritare që punojnë në vijën e parë të fatkeqësisë. Organi qeverisës i futbollit evropian po koordinon gjithashtu përpjekjet e shoqatave të tjera anëtare për të kontribuar në një fond të përbashkët për të ndihmuar të prekurit në këtë fatkeqësi.  “UEFA po bën këtë donacion fillestar për të ndihmuar menjëherë të prekurit nga tërmeti, e cila ishte një tragjedi e tmerrshe”, tha presidenti i UEFA-s, Aleksander Ceferin të premten. “Dua gjithashtu të falënderoj shoqatat tona anëtare për reagimin dhe mbështetjen tyre. UEFA po shqyrton gjithashtu organizimin e aktiviteteve shtesë për mbledhjen e fondeve gjatë javës finale të Champions League të këtij sezoni, e cila do të zhvillohet në Stamboll në qershor. Detaje të mëtejshme do të njoftohen në javët në vijim. Në një shfaqje të mëtejshme të mbështetjes së futbollit evropian për Turqinë dhe Sirinë, UEFA ka njoftuar gjithashtu se do të mbahet një moment heshtjeje para fillimit në të gjitha ndeshjet e konkurrencës së klubeve javën e ardhshme në respekt të viktimave të tërmeteve”, thuhet në deklaratën e UEFA-s.

 

View this post on Instagram

 

A post shared by UEFA (@uefa_official)