
PSG-ja u mposht 0-1 në Paris nga Bayern Munich në sfidën e parë të 1/8 të Champions League. Një gol i Coman i dha fitoren skuadrës gjermane, fitore kjo që i jep një përparësi të madhe para ndeshjes së kthimit. Mbrojtësi i PSG-së, Sergio Ramos tha se është i zhgënjyer me rezultatin e ndeshjes.
“Ishte një lojë shumë e diskutueshme. Në pjesën e parë luajtëm shumë dobët, ishim shumë në mbrojtje, ishte një ndeshje shumë e vështirë, shumë e komplikuar. Jam shumë i zhgënjyer për tifozët, por ata ishin aty. Duhet të kemi më shumë karakter në ndeshjen e kthimit, më shumë vertikalitet.
Ne duam të fitojmë, të jemi më të mirët që mund të jemi, por ky është futbolli. Ndonjëherë luajmë mirë, ndonjëherë luajmë keq. Ajo që ka rëndësi është rezultati përfundimtar. Sa më shumë të luajmë, aq më shumë përvojë kemi. Do të jetë mirë gjithnjë e më mirë. Por ne duhet të qëndrojmë të bashkuar”, tha Ramos.