Pas humbjes me Egnatian ditën e djeshme me rezultatin 1-3 dhe dorëheqjes së trajnerit Bledar Devolli nga posti i trajnerit të Tomorit, klubi beratas ka reaguar me anë të një komunikate zyrtare në Facebook, ku e falenderon Devollin për kontributin e dhënë.
” Komunikata për dorëheqjen e trajnerit Bledar Devolli
Vendimi i marrë nga trajneri Bledar Devolli ishte i parevokueshëm nga ana jonë. Ai është një trajner profesionist dhe një burrë i vërtetë. Punoi mirë dhe i solli një frymë të re skuadrës, pavarësisht problemeve që i dolën rrugës. Dëmtimet, penalizimet dhe fati jo i mirë ishin 3 faktorët që na nxorrën jashtë objektivave. Ne do të marrim masat për të parandaluar ecurinë negative të mëtejshme, duke mos rrezikuar për asnjë moment rënien nga kategoria. Ndoshta ka ardhur momenti për një rifreskim total të skuadrës…”
Postimi i Tomorit
Tomori e mbylli këtë vit në vendin e tetë me 16 pikë, 6 më shumë se Elbasani i vendit të parafundit.
Loading ...
