Pas largimit nga skuadra e Dorados për shkak të problemeve fizike, Diego Armando Maradona është gati për të marrë drejtimin e një skuadre të re. Legjenenda argjentinase ka lënë pas problemet dhe tashmë është gati për të marrë drejtimin e një skuadre futbolli. Ditët e fundit në media është folur se Maradona është pranë klubit Gimnasia La Plata që militon në Superligën e Argjentinës.
Drejtuesit e klubit kanë besim se do të firmosin me të dhe janë shprehur se janë në tratativa, ndërsa për këtë lajm ka reaguar edhe vetë legjenda argjentinase: "Nuk kam marrë ende asnjë ofertë zyrtare nga asnjë klub, por unë jam shumë mirë dhe do të ishte një nderë i madh për mua që mund të trajnojë në vendin tim", deklaroi Maradona.
Gimnasia La Plata ka vetëm një pikë në 5 ndeshjet e para në kampionat dhe është në kërkim të një trajneri të ri, ndërsa në rast arritje të marrëveshjes kjo do të ishte skuadra e 3-të që Maradona do të stërvisë në kampionatin argjentinas pas Deportivo Mandiyu në 1994 dhe Racing në 1995.
Lexo gjithashtu
