31-vjeçari është futbollist që ka përvojë të madhe në kampionatet shqiptare dhe është pjesë e Prishtinës nga vera e vitit 2020, teksa me ekipin bardhekaltër ka fituar edhe një titull kampion.
Mici, i cili gjatë karrierës së tij ka luajtur edhe me ekipe si Kamza, Flamurtari i Vlorës, Kukësi, Skënderbeu dhe Shkëndija e Tetovës është shprehur për faqen zyrtare të klubit se ndjehet i nderuar dhe i privilegjuar pas emërimit si kapiten i skuadrës.
“Të jesh kapiten i Prishtinës është përgjegjësi e madhe pasi që Prishtina është emër me shumë peshë. Do të mundohem që me punë dhe profesionalizëm ta justifikoj këtë detyrë.
Tifozëve iu premtojmë që do të jemi ekip ndryshe në këtë vit. Të gjithë lojtarëve na takon ta japim energjinë e fundit në fushë dhe ta rikthejmë Prishtinën aty ku i takon.
Cilësitë dhe arritjet e trajnerit dihen. Mentaliteti dhe besimi i tij do të na ndihmojnë edhe neve si lojtar që ta japim më të mirën. Me shumë punë dhe besim do të jetë edicion i mirë për të gjithë”, u shpreh Mici.
Lexo gjithashtu
