Manchester City arriti të kalonte në finalen e Champions, teksa mposhti në “Etihad” Real Madrid. Një fitore 4-0 e anglezve dërgoi në shtëpi para kohe spanjollët.
Pas kësaj disfate foli, Carlo Ancelotti, i cili theksoi se nuk ëhstë dramë eliminimi nga Champions, pasi City e meritoi kualifikimin.
“Ne thjesht dolëm kundër një ekipi që është shumë i fortë dhe nuk arritëm të ktheheshim në lojë. Nuk kishte asnjë kolaps psikologjik nga lojtarët.
Ata luajtën më mirë se ne, bënë presion të lartë dhe vazhduan ta bëjnë këtë gjatë gjithë ndeshjes. Mund ta kishim kontrolluar topin më mirë në pjesën e dytë.Ndonjëherë mund të ndodhë që të humbisni në një gjysmëfinale, kjo nuk është asgjë e re në sport, nuk është një tragjedi, ka gjëra shumë më të këqija në jetë dhe në sport.
Fakti mbetet, ne patëm një sezon të mrekullueshëm në Ligën e Kampionëve.Sezonin e ardhshëm do të jem këtu për të luftuar për të fituar një tjetër Ligë të Kampionëve", theksoi italiani.
Manchester City dhe Interi do të ballafaqohen në finalen e madhe të Ligës së Kampionëve që do të zhvillohet në Stamboll më 10 qershor.
Lexo gjithashtu
