Interi arriti të fitonte 3-2 me Atalantën mbrëmjen e djeshme, me zikaltërtit që kanë “blinduar” tashmë një vend në Champions League.
Për portierin Andre Onana ishte sfida më e rëndësishme e sezonit, pasi zikaltërtit kërkonin me patjetër kualifikimin në Champions dhe kjo tashmë është arritur.
“Ndeshja ndaj Atalantës ishte shumë e rëndësishme për ne, ishte si një finale. Ishte ndeshja e sezonit për skuadrën tonë, duhej ta realizonim me patjetër objektivin. Tani duhet të ecim në këtë rrugë dhe të ruajmë vazhdimësinë.
Si ja bëj që të kem vetëbesim? Mundohem të shoh gjithnjë anët pozitive. Unë vij nga një vend me kulturë ndryshe dhe kam kaluar shumë momente të vështira. Por, gjithnjë jam munduar të bëj më të mirën sepse nuk ja vlen të qash dhe të ankohesh”, u shpreh Onana.
Lexo gjithashtu
