Tirana fitoi në derbi 2-0 kundër Partizanit, një sfidë që do të mbahet mend gjatë pasi bardheblutë luajtën për 90 minuta me 10 lojtarë. Goldi Halili ka reaguar pas kësaj sfide përmes një postimi në rrjetet sociale.
Administratorja e klubit të Tiranës kujton momentet dramatike të takimit, si dhe thekson historitë njerëzore brenda 90 minutave. Ismajlgeci vendosi të hynte në fushë edhe pse pak para ndeshjes, mësoi ndarjen nga jeta të gjyshit të tij.
Florent Hasani prezantoi të birin e vogël para Fanaticsave, ndërsa të tjerë sipas Goldit shprehnin keqardhje për ndonjë rast të humbur. Në postimin e bërë në Instagramin e vet, ajo shkruante:
“Mbrëmë fituan historitë njerëzore mes nesh! Dikush solli gëzimin e tij të parë brenda fushës së blertë për të ndarë profesionin dhe emocionet që një derbi i fituar dhuron.
Dikush i dha lamtumirën një njeriu të shtrenjtë teksa luajti 90 minuta i pikëlluar. Të tjerë i grryente për brenda një episod i humbur. Mund të vazhdoj pambarimisht me rrëfimet tona... Thelbi është se pas gjithçkaje aty është Tirona!”
[caption id="attachment_661029" align="alignnone" width="378"]
Postimi i Halilit[/caption]
Lexo gjithashtu
