Jo më larg se 10 ditë më parë, xhiroja e asaj pasditeje do të ishte dita e fundit në këtë botë për futbollisten Florijana Ismaili. Një shëtitje me miken e saj në liqenin e Comos do të rezultonte fatal. 24 vjeçarja u zhyt në liqen, por nuk doli më prej andej. Lajmi pushtoi gjithandej opinionin publik. E pabesueshme, Florijana u hodh në ujë për të mos u kthyer më.
Kërkimet vazhduan për disa ditë me radhë, sepse ishte shumë e vështirë për të gjetur Florijanën. Pas disa ditësh, u njoftua se ishte gjetur trupi i pajetë i ish-lojtares së Young Boys, në 204 metra thellësi. Sot, Florijana dërgohet për në banesën e fundit. Shumë njerëz të mbledhur në ceremoninë e lamtumirës u zhvillua në një sallë sportesh në Worben të Kantonit të Bernës, raporton Blick.ch.
Një përfaqësues i Federatës së Futbollit të Svicrës në fjalën e tij është shprehur se ngjarjen që ndodhi është e vështirë ta përshkruash me fjalë, por jo Florijanën, sepse ajo ishte një shembull i mirë për të gjithë dhe prindërit e saj duhet të jenë krenarë me të.
"Është e vështirë të gjenden fjalët për atë që ka ndodhur. Por, për Florijanën si njeri nuk është e vështirë: ajo ka qenë një vajzë e qeshur, tolerante, e gatshme për të ndihmuar. Ka qenë një shembull, model. Të dashur prindër, ju mund të jeni me të vërtetë krenarë me të". Ceremonia e lamtumirës së Florijana Islaimit është kryer sipas riteve islame.
Lexo gjithashtu
