Milani do të presë Lazion në San Siron e mbushur me 72 mijë tifozë, sot në orën 15:00 për të luajtur javën e 34-të të Serie A. Kuqezinjtë luajnë sezonin në këtë 90 minutësh teksa një humbje do të ishte fatale për garën për një vend në zonën Champions.
Djalli mban vendin e 6-të me 58 pikë, në mes të Atalantas dhe Romës me kuotë të njëjtë pikësh, ndërsa është 2 më pak se Interi i vendit të 4-të. Lazialët janë të dytët me 64 pikë dhe janë më të qetë teksa një barazim në San Siro nuk do të ishte keq.
Ekipet kanë publikuar titullarët e sfidës dhe Pioli rikthen Big-ët Leao, Theo e Giroud. Për Lazion, nga e para është edhe Elseid Hysaj.
Formacionet zyrtare:
MILAN (4-2-3-1): Maignan; Calabria, Kjaer, Tomori, Theo; Krunic, Tonali; Messias, Bennacer, Leao; Giroud. Trajner: Stefano Pioli.
LAZIO (4-3-3): Provedel; Marusic, Casale, Romangoli, Hysaj; Milinkovic-Savic, Antonio, Luis Alberto; Felipe Anderson, Immobile, Zaccagni. Trajner: Maurizio Sarri.
Lexo gjithashtu
