Ardit Toli, lojtari i Tiranës ka folur për mediet në prag të transfertës me Vllazninë. Bardheblutë do jenë miq nesër në "Loro Boriçi", me duelin që nis në 16:45. Sfida vlen javën e shtatë të Superligës, me lojtarin polivalent që e ka cilësuar sfidën si një derbi, teksa shton se nuk e ka menduar asnjëherë largimin nga Tirana.
"Tirana - Unë kam pasur dy vite kontratë, nuk e kam menduar fare që do të largohem, kam folur me presidentin që do të fokusohesha te kampionati dhe do të jepja më të mirën.
Vllaznia - Nesër do të jetë një ndeshje e fortë, Vllaznia është një ekip shumë i mirë, por ne duhet të shohim veten tonë dhe duhet të japim maksimumin, kur luan derbi ke një energji të fortë dhe shumë emocione për ta fituar, por me Vllazninë është një derbi tjetër. Çdo ndeshje duhet të jetë derbi se ne me patjetër duhet të fitojmë çdo ndeshje. Unë mundohem që të jap maksimumin çdo ndeshje për të ndihmuar ekipin së bashku të gjithë.
Tifozët - Kur ke shumë tifozë atmosfera ishte e bukur, ndeshja ishte e mirë shumë e veçantë, për eksperiencën time dhe do të përsëritet me Tiranën gjithmonë. Jam i fokusuar vetëm te Tirana", tha Toli.
Lexo gjithashtu
