Në emisionin "Rubrika Sportive" është i ftuar ish-futbollisti dhe trajneri i Tiranës B, Migen Memelli. Ai ka folur për sulmuesin e Skënderbeut, Ali Sowe, për të cilin është shprehur se nuk do mund të shënojë 20 gola në kampionat, duke shtuar se nuk është i saktë, por i jep oksigjen skuadrës.
Ndërkohë që nuk lë pa përmendur edhe Gurin e Kukësit, për të cilin shprehet se është ende i ri dhe se duhet kohë. Ai ka folur dhe për lojtarin e Partizanit, Edgar Çanin për të cilin thotë se nuk ka bërë asgjë akoma.
"Sowe nuk do arrijë shifrën e 20 golave. Nuk është lojtar që humb, por që di të shënojë kur e ka portën e pastër. Është lotjar i fortë që i jep oksigjen skuadrës, por nuk është i qartë para portës, nuk shënon gjithmonë. 4 gola për 2 javë dhe 6 gola për 20-të javë, pak kontradiktor. Mendoj se është më mirë të shënojë çdo gol. Partizani mori me shumë bujë Çanin dhe nuk ka bërë asgjë akoma. Kampionati shqiptar ka humbur shumë lojtarë që shënonin nga 20 gola në sezon. Nuk ka prodhim as nga moshat. Do të duhet të presim edhe një dekadë për të patur lojtarë që do arrijnë të shënojnë çdo ndeshje. Guri i Kukësit është ende i papjekur", është shprehur Memelli.
Lexo gjithashtu
