Partizani arriti të fitonte 2-1 në transfertë kundër Kukësit, ndeshje e vlefshme për javën e pestë të Superiores. Një sfidë që u vendos nga disa episode dhe në fund nxorri të kuqtë triumfator.
Pas takimit foli trajneri i të kuqve, Giovani Collella. Kryeqytetasit shkojnë në këtë derbi me një marsh më shumë në aspektin moral. Në prononcimin e zakonshëm pas ndeshjes, trajneri italian u shpreh:
“Ai episod i Carës është shumë i shëmtuar. Në italisht do të kisha disa epitete, por nuk po i vendos. Sa i përket ndeshjes, ishte realisht shumë e vështirë. E dijmë që Kukësi do të bënte një lojë të fortë. Bravo dhe ne. Ishte një sfidë që nuk luhej me thikë të vogël, por me një shpatë të madhe.
Reagimi i ekipit? Më pëlqeu në tërësi qasja e ekipit në këtë ndeshje. Mund të kishim luajtur më mirë, por edhe mund të kishim humbur. Më pëlqyen futbollistët e rinj që janë përshtatur mirë.
Gjyqtari? S’më takon mua të vendos nota për arbitrat. Duhen pranuar si pjesë e futbollit sepse janë ata që vendosin drejtësi në fushën e lojës.
Matondo? Ne ishim duke bërë mirë edhe para se Massanga të futej në lojë. Unë e bëj formacionin sipas lojtarëve që kam në dispozicion. Ai nuk ishte stërvitur sa duhet. E meritojnë shokët e ekipit që janë stërvitur mirë.
Derbi? Unë mendoj që çdo ndeshje është e rëndësishme. Tani çdo gjë avash-avash do të mendojmë edhe për Tiranën. Unë jam i nderuar që jam trajner i Partizanit. Dua të vlerësoj dhe lojtarët për punën që po bëjnë. E kam të vështirë për formacionin titullar sepse po bëjnë mirë në stërvitje”.
Lexo gjithashtu
