Giovanni Colella ka folur pas fitores 3-1 kundër Kukësit. Trajneri i Partizanit deklaroi për mikrofonin e Oversport:
“Gjëja më pozitive ishte të fitonim sot. Sigurisht që edhe rivalët humbën sot, i jep më shumë vlera fitores sonë.
Forma e lojtarëve? Mbaj mend që dikush në janar tha që nuk ishim për merkato. Por, në fakt ne kemi marrë disa lojtarë dhe kemi rikuperuar Da Silvën që nuk ishte gati për një periudhë kohe. Por, përtej kësaj jam i kënaqur me atë që skuadra jep në fushën e lojës. Edhe ata lojtarë me pak minuta japin gjithçka kur aktivizohen. Të gjithë japin kualitet gjatë javës.
Jeni i gëzuar? Unë jam i lumtur kur skuadra ime fiton. Por nëse kampionati mbaronte sot, ne jemi 2 pikë pas.
Derbi? Kemi akoma ditë për ta përgatitur dhe kohë për ta menduar”, tha ai.
Lexo gjithashtu
