Edlir Tetova ka folur pas barazimit 1-1 kundër Vllaznisë. Trajneri i Egnatias u shpreh i kënaqur për Oversport në këtë gjysmëfinale të parë të Kupës së Shqipërisë. Në fjalën e tij para gazetarëve, Tetova deklaroi:
“Të them të drejtën për atë që dhamë në fushën e lojës, kërkuam që të ishim mbi 70 metra. Përveç pjesës të 20 minutave të para, kemi qenë më dominues se kundërshtari. Morëm atë që deshëm me shënimin e golit. Por, eksperienca është shumë e madhe që të marrim një gol në sekondat e fundit. Mund të ishte i evitueshëm, por portieri nuk ka marrë asgjë. Shpresojmë të marrim më të mirën ditën e diel.
Besoj që çdo gjë do të mbyllet në ndeshjen e ardhshme. Shpresoj mos të kemi më kështu situatash në fundin e lojës. Kjo është atak për të gjithë ne. I thashë lojtarëve të qetësohen në dhomat e zhveshjes. Ndeshja e kampionatit do të jetë më e ashpër akoma.
Ndeshjet? Presioni te lojtarët rritet. Kishim krijuar vetëm dy linja në mbrojtje. Kalon topi mes gjithë linjave dhe shënohet një gol. Jemi të kënaqur me gjithë futbollistët. Do të mundohemi të bëjmë diçka më mirë në ndeshjen e kthimit. Do t’i shfrytëzojmë më mirë.
Vllaznia e nisi lojën me shumë mesfushorë qëndrorë, e përqëndronte topin mes linjave. Kishim lëvizshmëri shumë të mirë mes linjave tona. Ndryshuam disa herë modul. Ishte çështje shpërqëndrimi te rasti i golit”, tha ai.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
