Një klub me buxhet disa herë më të lartë se Partizani nuk do të jetë më në rrugëtimin e Champions League. Ferencvarosh u skualifikua pas gjuajtjes së 11-metërshave, ndërsa trajneri Tomas Doll nuk iu beson syve se tashmë është jashtë Champions-it. Në fund të ndeshjes ai flet i habitur mbi takimin, ndërsa tregon se skuadrën e tij e mundi ndjenja e frikës.
"Unë mund të kërkoj falje vetëm te tifozët për performancën e sotme. Ne e kemi filluar mirë ndeshjen, por është e pakonceptueshme për mua se si pas 90 minutave shqiptarët e kthyen. Patëm disa momente frike dhe nuk e kuptoj pse. Ne kemi luajtur një ndeshje të mirë. Kishim mundësi të madhe për të fituar, por fundi ishte i hidhur. Ky skualifikim është i papranueshëm. Nuk luftuam të gjithë sezonin për një zhgënjim të tillë. Jeta ka dhe zhgënjime, ky është njëri prej tyre".
Lexo gjithashtu
