Ermal Krasniqi është përzgjedhur si lojtari më i mirë i javës në Superligën e Kosovës. Është klubi i Ballkanit që përmes një njoftimi në kanalin zyrtar bën me dije se futbollisti ka marrë çmimin “Ylli i Javës”.
Lojtari i skuadrës së Ilir Dajës është shprehur i lumtur për këtë vlerësim modest. Në lajmërimin e bërë në faqen zyrtare të klubit të Ballkanit thuhej:
“Ermal Krasniqi “Ylli i Javës”
Federata e Futbollit e Kosovës së bashku me sponsorin e Superligës, Albi Mall, vazhdojnë ndarjen e çmimit “Ylli i Javës” pas çdo xhiroje në Albi Mall Superligë.
Çmimi i më të mirit për javën e 18-të i ka takuar futbollistit tanë , Ermal Krasniqi.
Çmimi “Ylli i Javës” për Krasniqin e ndau Mentor Boroci, zyrtar ligjor në Albi Mall.
E pas marrjes së këtij çmimi për herë të dytë në këtë edicion, Ermal Krasniqi , foli për faqen zyrtare të FFK-së.
“Si çdo herë është kënaqësi të zgjedhësh më i miri i javës. Ndjenjë e mirë që u riktheva prapë gjatë këtij edicioni për ta marrë këtë shpërblim. Jam i lumtur për sukseset e klubit dhe për faktin që arrij ta ndihmoj skuadrën nga ndeshja në ndeshje në arritjen e objektivave të saj.
Ballkani edhe në këtë edicion po tregon seriozitet dhe jemi në rrugën e duhur për ta mbrojtur titullin kampion. Falënderoj bashkëlojtarët, trajnerët dhe të gjithë stafin, pasi bashkërisht po bëjmë një punë të mrekullueshme”, ka theksuar Krasniqi”.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
