Trajneri i Kosovës, Bernard Challande pas fitores 1-0 ndaj Gjibraltarit në "Fadil Vokrri" është shprehur për Supersport se ai e dinte se skuadra e tij përballë do të kishte një kundërshtar me një mbrojtje të fortë.
"Nuk mund të them se jam shumë i kënaqur nga kjo ndeshje. Unë e di se kjo skuadër ka një mbrojtje të mirë dhe unë nuk kam pritur një ndeshje tjetër. Ishte një ndeshje që ne kishim mundësi për të shënuar. Ne kishim mundësi për të bërë ndryshime në lojë, nga krahët, apo edhe në manovrat me topin brenda zonës. Megjithatë, ne nuk kishim shumë lojtarë brenda zonës dhe na mungoi pasimi i fundit. Problemi i vetëm ishte që nuk shënuam. Ne duhet të ecim përpara, të luajmë futboll dhe të përgatitemi mirë për ndeshjet. Unë mendoj se kjo ishte një ndeshje e mirë përgatitore dhe që do të vlejë edhe për lojtarët e së ardhmes", ka thënë Challande.
Lexo gjithashtu
