Drejtori i Partizanit, Genc Tomorri ka folur për Supersport dhe ka treguar se nuk janë largimet ato që kanë ndikuar në humbjen e Partizanit. Ai tregon se me Lushnjen do të marrin 3 pikët e para për të vazhduar rrugën drejt titullit.
“Nuk e kishim pritur këtë nisje. Edhe vetë përgatitjet e të gjithë lojtarët e rinj që erdhën, grupi që u formua prisnim shumë më tepër nga ekipi.
Ndodhën këto ndeshje që nuk duhet t’i kujtojmë mëEkipi është ndërgjegjsuar dhe tani duhen patjetër pikë. Ky zhgënjim që ndodhi me këto 3 ndeshje, Partizani them se do t’i kalojë që të fillojë të marrë [pikët e para që me ndeshjen me Lushnjen ëpr të vijuar me objektivat që ka ëpr këtë sezon”, u shpreh fillimisht drejtori i Partizanit.
Largimet e lojtarëve të rëndësishëm si Ekuban, Torassa e Ramadani po ndihen te Partizani në këtë fillim sezoni, por për Tomorin nuk është largimi i këtyre futbollistëve arsyeja e kryesore e startit të dobët, pasi edhe prurjet e reja janë cilësore.
“Çdo lojtar ka vendin e vetë dhe lë gjurmën e vetë në skuadër. Duhet të jemi të kujdesshëm edhe pse është fillimi, pikët duhet të merren. Që nga Lushnja Partizani do të tregojë një fytyrë tjetër dhe që është ndër ekipet që do të udhëheqi kampionatin”, shtoi Tomorri.
6 Pikë disavantazh janë të rikuperushme sipas drejtorit të përgjithshëm të të Kuqëve, me Partizanin që nuk heq dorë nga titulli. Tomori bëri një koment edhe për gradimin e Idriz Bathës, si kapiten i ri.
“6 pikë janë edhe shumë edhe pak. Duhet parë ecuria e ekipit. Batha është i vjetër te Partizani. Nga ekipi është pritur mirë dhe Hoxha edhe Batha do të udhëheqin ekipin”, përfundoi ai.
Lexo gjithashtu
