Kategoria e Parë prej disa vitesh mbart në gjirin e vet disa emra legjendarë të futbollit tonë. Në sezonin që u mbyll ishte Tirana që mbante në shpatulla 24 kampionate ndërsa në vitin që vjen do jetë Vllaznia që e ka fituar kampionatin kombëtar plot 9 herë. Por jo vetëm kuqeblutë do jenë pjesë e kësaj kategorie pasi këtu prej vitesh 'dergjet' edhe një tjetër emër legjendë si Dinamo.
Blutë kanë plotë 18 tituj të fituar gjatë historisë së tyre. Me këto trofe ata bëjnë një pjesë të mirë të futbollit shqiptar. Po ashtu në Kategorinë e Parë është rikthyer edhe Elbasani. Verdheblutë e kanë fituar 2 herë kampionatin shqiptar. Pra luksi duket se do jetë i madh në Kategorinë e Parë ku do jenë plot 29 kampione kombëtare.
Duke iu shtuar ekipeve të sipërpërmendura edhe skuadra si: Besa, Apolonia, Lushnja apo edhe Tomori, kjo kategori pritet të japë të njëjtin rivalitet dhe garë si Superliga.
Lexo gjithashtu
