Sulmuesi i Tiranës Patrick pritet të kthehet në fushat e blerta pas 2 javëve. Ishte trajneri i Tiranës Julian Ahmataj, që e zbuloi këtë gjë për mediet në përfundimin e ndeshjes Dinamo – Tirana(2-3).
Kështu bardheblutë do të përforcoheshin në sulm me një element që ka spikatur, për sa kohë ka luajtur. Pas ikjes së Florent Hasanit, e nevojshme është që braziliani të japë kontributin e tij.
Kujtojmë se dëmtimi në marsin e vitit të kaluar kundër Partizanit, e la për muaj të tërë me radhë. Rikthimi i tij ishte me Kukësin ku ishte vendimtar në përmbysjen e ndeshjes më 23 nëntor(3-2). Pas ndeshjes tjetër me Erzenin, ai sërish u detyrua të qëndrojë jashtë fushës së blertë.
Ndeshja e javës do jetë ajo kundër Skënderbeut. Në shtëpinë e saj, Tirana do kërkojë fitoren pasi më parë do ketë luajtur me Teutën në kampionat dhe Korabin për Kupë.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
