Dita e djeshme është shoqëruar nga një numër i madh thashethemesh në kryeqytet, në sallonet e basteve aty ku kanë qenë të shumtë ata që kanë besuar dhe provuar. Fitorja e Flamurtarit në Gjirokastër shihej si e sigurtë nga fjalët e përhapura dhe përgjatë ditës kofiçenti i këtij takimi ka pësuar luhatje në kompani të ndryshme deri sa në fund e hoqën nga bastet.
Fitorja e Flamurtarit fillimisht kuotohej me kofiçentin 2.50 ndërkohë që më pas u hoq fare nga disa kompani. I njëjtë ishte diskutimi edhe për fitoren e Partizanit në Shkodër, për të cilën fjalët ishin përhapur prej fillimit të javës.
Fitorja e të kuqve kuotohej fillimisht me koefiçentin 1.75 ndërkohë që edhe ky takim, njësoj si ndeshja e luajtur në Gjirokastër, u përjashtua nga mundësia e kuotimit në skedina për shkak të numrit të lartë të personave që po luanin fitoren e të kuqve.
Megjithatë thashethemet jo vetëm që nuk duhen marrë parasysh por as nuk tregojnë një të vërtetë të mundshme. Flamurtari fitoi në ekstremin e takimit ndërsa Partizani barazoi në një ndeshje të cilën mund ta kishte fituar por dhe humbur.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
