Mbijetesa është një betejë me 3 garues në Superiore. Teuta, Erzeni dhe Kukësi janë 3 skuadrat që po luftojnë dhëmbë për dhëmbë për të qëndruar edhe një sezon tjetër në elitën e futbollit shqiptar. Dy prej tyre do të bien dhe një do të luajë finalen e Play-Out me një ekip të Kategorisë së Parë.
Teuta mban aktualisht vendin e 8-të të Play-out me 24 pikë, 1 më shumë se Erzeni. Ndërsa, Kukësi është në një gjendje më të keqe me vetëm 19 pikë duke zbehur gjithnjë e më shumë shpresat.
Sipas përllogaritjeve, një ekip i duhet të paktën 45 pikë për të siguruar matematikisht qëndrimin në Superiore. Nëse nuk ka ndonjë kombinim të çmendur, edhe 40 pikë mund të mjaftojnë për të arritur objektivin.
Teksa kanë mbetur edhe 12 javë nga përfundimi i kampionatit, janë ende 36 pikë në lojë për secilin ekip. Lufta është e hapur dhe duket se do të mbyllet vetëm në javën e 36-të e të fundit të edicionit.
Lexo gjithashtu
