Telenovela e Kylian Mbappe mesa duket do të zgjasë edhe për pak kohë. Në orët e fundit u raportua nga Franca, se Mbappe kontrata e të cilit me PSG-në skadon në fund të sezonit ka arritur një akord me Realin, për t’u transferuar në “Santiago Bernabeu”.
Lexo edhe: Gazetari i njohur lëshon “bombën” e merkatos: Kylian Mbappe arrin akord me Real Madrid
Por janë njerëzit pranë sulmuesit francez që kanë “hedhur poshtë” këto aludime, duke mohuar gjithçka. Përfaqësuesit e futbollistit janë shprehur se duhet kohë për të marrë vendimin mbi të ardhmen.
“Nuk ka asnjë marrëveshje për të ardhmen e Kylian, nuk ka filluar asnjë diskutim. Për më tepër asnjëlloji ndikimi nuk mund të ndërhyjë në kohën tonë të diskutimit, reflektimit apo vendimit të Kylian”, thanë njerëzit e afërt të sulmuesit 25 vjeçar për RMC Sport.
Lexo gjithashtu
