Dje ka qenë një ditë mjaft e rëndësishme për Ismael Bennacer. Mesfushori i Milanit ka hyrë edhe një herë në qendrën stërvitore në Milanello për të nisur fazën finale të rehabilitimit të tij, që pas dëmtimit të 10 majit në derbin përballë Interit në Champions League.
Një dëtmim i rëndë që e detyroi algjerianin që të kryente ndërhyrje kirurgjikale në gjurin e djathtë. Deri më tani, përsa i përket rikuperimit, gjithçka është respektuar dhe kryer në përpikmëri nga lojtari.
Por pyetja kryesor në kokën e Stefano Piolit dhe drejtuesve të Milanit është se kur do të rikthehet Bennacer të luajë…? Optimizmi nuk mungon tek “Djalli” teksa presin që algjerianin ta kenë nën urdhëra në dhjetor, por që rikuperimi të jetë i plotë dhe i sigurt duket e detyrueshme që rikthimi i tij të shtyhet për në janar 2024.
Lexo gjithashtu
