Partizani ka fituar ndeshjen përballë Erzenit, një ndeshje në kuadër të javës së 9-të të Superiores. Në sfidën e zhvilluar në stadiumin “Arena e Demave”, të besuarit e Abilaliajit triumfuan me rezultatin 1-2. Pas kësaj sfide për mikrofonat e MCN TV foli sulmiesi i Partizanit, Tedi Cara.
“Normalisht jam i lumtur sepse me atë gol ndihmova dhe ekipin me atë sukses të radhës. Me 3 pikëshin në fund e kemi mbyllur mirë.”
-Duhet një gol i dytë që mos të kaloni këto situata stresuese...
“Faktikisht është e drejt duhet të kishim shënuar dhe golin e dytë. Por mënyra si zgjodhëm të luanim nuk e zgjidhëm siç duhet dhe duhet të sulmonim më tepër. E nenvlerësuam pasi ishin me 10 lojtarë. Ndodhi kjo dhe Erzeni na shënoi gol. Duhej një sforco e madhe për të fituar.”
-Na trego lidhur me post-derbin...i freskët apo ishe akoma i lodhur?
“Derbi me Tiranën ishte një ndeshje që të gjithë lojtarët duan të luajnë dhe të japin maksimumin. Pas ndeshjes nuk kisha fuqi më për asgjë. Trajneri e pa që 4-5 lojtarë ishin të sforcuar. Të gjithë lojtarët e ndjenin lodhjen nga derbi.”
Lexo gjithashtu
