Skënderbeu pret ditën e shtunë Lushnjen në shtëpi, në orën 17:00 për të luajtur takimin e javës së 24-të të kampionatit. Ndrkohë që Ilir Daja së bashku me stafin teknik dhe skuadrën vijojnë përgatitjet, në Korçë kanë nisur të pyesin. A do rikthehen "Ujqërit" në vendin e tyre?
Kjo pyetje lind për faktin se në takimin e një jave më parë, që Skënderbeu luajti ndaj Laçit, ultrasit bojkotuan pjesën e parë të takimit, kjo për shkak të ngjarjeve të ndodhur javët e fundit.
Bojkoti nga ana e ultrasve korçarë ka ardhur pas vendimit që është marrë për 14 tifozët e Skënderbeut, të cilëve iu është kërkuar të paraqiten në komisariat dhe të pagujnë një gjobë të majme, pse këta të fundit festuan për golin shënuar ndaj Partizanit pak javë më parë.
Ende nuk dihet nesë "Ujqërit e Dëbores" do të jenë apo jo në stadium, por ekziston mundësia që ultrasit të ulen së bashku me drejtuesit e klubit dhe të diskutojnë për të gjeëtur një zgjidhje për këtë situatë.
Lexo gjithashtu
