Trajneri Gugash Magani, pas një jave seleksionuese me futbollistët e rinj vlonjatë, vendosi të mbajë në ekipin e parë vetëm tre prej tyre, mbrojtësit Beqaj dhe Gjinaj, si dhe mesfushorin Hyseni. Për të rinjtë e tjerë u mendua të kalonin te Flamurtari B, por ata e kanë refuzuar këtë gjë. “Panorma Sport” shkruan se për këtë çështje është zhvilluar dje një takim mes të rinjve dhe administatorit Sinan Idrizi, i cili u ka shpjeguar se do të trajtohen si pjesë e ekipit të parë. Madje, ai dha disa detaje të rëndësishme. Lojtarët e rinj do të marrin rroga dhe do të kenë edhe shpërblime, pasi buxheti për skudrën B të Flamurtarit është rreth 200 mijë euro. Të rinjtë u përzgjodhën nga trajneri Magani, ndihmësi i tij Mezani dhe disa specialistë vlonjatë.
Lexo gjithashtu
