Aristoteles Romero ishte një nga lojtarët e afruar në merkaton e verës me synimin që do të jepte kontributin e tij te Partizani. Por, forma fizike tradhëtoi venezuelianin e si të mos mjaftonte kjo, një dëmtim në gju e penalizoi gjatë. Ai është shfaqur në palestrat e ndryshme të kryeqytetit duke u stërvitur bashkë me të dashurën e vet.
Së fundmi, Partizani ka udhëtuar drejt Antalias për fazën përgatitore e në sy bie mungesa e tij. Siç duket në klubin kryeqytetas s’e kanë më në plane. Mirëpo konsiderata e Romeros është e madhe për 16 herë kampionët e vendit.
Në një postim të bërë sot në kanalin zyrtar ku shfaqen të kuqtë duke u stërvitur, mesfushori ka bërë disa emoji “zemra” si për t’i treguar lidhjen dhe marrëdhënien që ka me shokët e skuadrës. Pritet me interes të shihet nëse në merkaton e dimrit do të vendoset që Romero të qëndrojë apo të largohet përfundimisht nga Partizani.
[caption id="attachment_669454" align="alignnone" width="1242"]
Komenti i Romeros[/caption]
Lexo gjithashtu
