Elbasani dhe Korabi luajnë nesër në orën 17:00, ndeshjen e vlefshme për javën e 17 të Kategorisë së Parë. Në stadiumin “Elbasan Arena”, vendasit do kërkojnë fitoren për të vazhduar ndjekjen e Bylisit kryesues.
Ndihmë e madhe shihet të jenë “Tigrat Verdheblu”, që kanë dhuruar spektakël pjesën e parë të sezonit. Kundër ekipit të Korabit priten sërish të shumtë në numër. Me një postim të fundit, kanë dhënë dhe detajet e organizimit.
“Nesër lun ELBASANI. Grumbullimi nis në orën 16:00 në FAN CLUB. Mere shokun mere shallin vishe bluzen e zezë dhe bashkohu me TIGRAT në karshi”, shkruajnë ultrasit e Elbasanit.
Kujtojmë se Elbasani nuk ka humbur asnjë ndeshje në shtëpi këtë sezon. Për Korabin mund të thuhet se ka fituar ndeshjen e parë mes tyre në tetor.
Lexo gjithashtu
